Warning: preg_replace(): The /e modifier is deprecated, use preg_replace_callback instead in ..../includes/class_bootstrap.php(430) : eval()'d code on line 133

Warning: preg_replace(): The /e modifier is deprecated, use preg_replace_callback instead in ..../includes/class_bbcode.php on line 2968
قصائد الشاعر محمد طه القدال

منتديات أربجي مدينة العطاء - Powered by vBulletin

banner
الأخوة الكرام أعضاء الموقع من لديه معرفة تقنية بعمل المنتديات , ترقية تعريب , ستايل ولديه الرغبة في ترقية عمل المنتدى فليتفضل بكتابة بمخاطبة إدارة المنتدى.
النتائج 1 إلى 11 من 11
  1. #1
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <span style="color:#FF0000"><div align="center">بعد الرحيل
    بعد الرحيل برجاك فوق هدب السنين
    برجاك عيد فجر الليالي الفيها بحلم بيك يقين
    عشمان أعيش لامن أشوفك في الدروب
    شمعة فرح بسمة للعمر الحــزين

    بعدك رحل فرح الفواصــل
    وفي الحروف ذغرد جـــرح
    ذان الجبـــين
    وارتجف قلم الشعـــر
    فوق الورق فجر اساي
    صرخة حـــرف
    حسرة وأنيـــن

    والرحيق هجر البنفسج
    والفراش بكي في إرتحالو
    وانسكب عطر الأماني
    فوق حقول الاحتمــال
    ماتت أنفاس الاغاني
    وقالت الفرحة الســلام
    وفي العيون الحسرة طافــت
    غاب فنار الابتسام

    مكتوب علي احمل أساي
    أرحل أطوف بين الحروف
    امسح فرح وأكتب جرح
    حافظ هواك رغم الظروف

    ومهما طال الانتظار
    تلقيني واقف منتظر
    جوه في نبض الحروف
    راجيك لما ترجعي للديار
    تهدي للعمر إبتسامه
    وليك تتقال القصائد
    بيك تتحدد خطاي
    وليك تتقال القصائد
    بيك تتحدد خطاي
    __________________
    وحملت نجمتك الانيقة في فؤادي
    ومشيت نحوك وانتهيت الي بلادي</div></span>

  2. #2
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">حليوة الشاعر محمد طه القدال
    "شليل"
    ----------------------
    بقول غنوات .. بقول غنوات
    فى البلد البسير جنياتها لقدام ..
    وفى الولد البسل ضرعاتو فى العرضة ويطير فى الدارة صقرية ..
    ولو السمحة تلت إيد و مدت جيد تقوم شايلاه هاشمية
    يشيل شبال ختة ريد .. وفرحة عيد .. و غيمة روح .. وحمرة عين و ايدية
    وفى الولد البشيل مدقاقو قولة خير على القمرة
    يقابل الجاية متحزم ويقابل الجاية متلزم
    سلام فاسك على أرضك يبقى عديلة يا بيضاء
    ويبقى زفاف غنت ليه قمرية
    قبال حول تغيم غيمة قبلية
    ترش الدارة و الحدبة الصعيد الحلة
    يا مرحب حباب الصفقة فى النسمة الصعيدية
    يا هجرة نهار الليل
    لما الليلة بدرية
    فحيح جنياتنا فى الحدبة الصعيد الحلة
    يا قمحاتنا هو لبلب
    يا تمراتنا هو لبلب
    و يا اللوز الفتق فى الوادى هو لبلب
    ويا سمحاتنا يا قمحاتنا هو لبلب ..
    ويا البحر الطمح مدادى هو لبلب
    ويا حجواتنا يا دعواتنا هو لبلب
    سألتك بالذى ركز الأرض معبد وسوى الناس عليها مقام
    سألتك بى حجى الأمات ودعواتنا
    سألتك بى قميراتن و دمعاتنا
    شليل وين راح ..
    يكون خير الخريف فاتنا
    وزى برق السماك الجاية دغشية
    وزى زغرودة للبطن الكبارية
    مرق من شامة القمرة
    ومجرتق بوداعة الله
    ومقدم بالعديل يبراك
    أبشروا تعالوا ياجنيات
    شليل ما راح .. شليل ما فات
    شليل عند المسور مرق بقالو حصاد
    شليل فوق التقانت قام خضار و بلاد
    شليل مشوار.. شليل مسدار
    شليلنا أرضنا يا جنيات
    شليل ما راح .. شليل ما فات
    حرازنا شليل .. شليلنا دليب
    شليلنا دليل على البلدات بعد درب التبلدية
    شليل ما راح .. شليل ما فات
    شليل قايم نصايص الليل يتمتم ليلو وردية
    مزارع بات على عشقين تراب بلدو
    وسماح فوق بت مزارعية</div>

  3. #3
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">شيخ تلب الشاعر القدال
    ----------
    حزينة وجوفك دمدم حزين
    حزنت وقلب الحازنك خلى
    تعدى الحلم الشفتيهو قديم
    وتملا حسارك قلبك ملى
    وكل ما هبهب قاصدك نسيم
    يلهب جلدك كضباً طلى
    فطمت جناك وحضنك رحيم
    وحنـّك تب ما صابو البلى
    سمعت غناك وصوتك رخيم
    شديد اوتارك زايد حلى
    عرفت الغم الصارلك نديم
    وشفت الكون بى شوفاً جلى
    لقيت الكاتلك كافر زنيم
    وانت وحيدك قلبك ولى
    يا شيخ تلـّب انزل كبكب
    وارمى الحترب فى الميضنة
    فى الباردة تعب لى الحارة تسب
    عجمان وعرب فى المضنة
    البس خضرب وادخل قصرب
    والحس واشرب فى الميضنة
    دى الدنيا تهب شقيش ما تصب
    القبلى حرب ..
    لى سيدك حب لا تخش ضرب
    لى يوسف جب فى الميضنة
    دقنا وشنب درويشنا يسوق
    تايوتا تكب فى الميضنة
    يا شيخ تلب وين الزغلب
    الكانو تلب
    ديل صبحو غرب
    ام اضحو جنب
    فى الميضنة
    انزل كبكب وارمى الحترب
    فى الميضنة
    كبس االهم على
    والحال قبض يا سيد
    غبنا فيا كج
    وتادو جنبى معيد
    مو جنا تجيب
    سلسل جنازرو تقيد
    بلا غيبوبة البلد
    النصيحو مصيد
    كنا تلاتة ...
    ود النوق وديك وعتيد
    قلنا نكمل الفرض
    العلينا نشيـد
    جينا عليكى يا المحبوبة
    شوقنا يأيـد
    بقينا ضهابة متل زولاً
    ضرير وبليد
    ود النوق مركوبو
    العليهو يشفق
    بقى يتباطأ
    فى خبة مشيهو يلفق
    ان جاهو العلوق
    صيحة نفاقو تنفق
    اصبح جدوا وكل
    ما شافلو سلقة يصفق
    - وديك الجن
    رفيق همى وغنايا وفنى
    سوا طريقو فى نخبة
    وصبح متهنى
    ما هماهو باسط مية
    سكرة ينى
    كل ما شافلو زفة
    جديدة فوقة يغنى
    - يا عتيد الرماد
    نط الحيط بالزانة
    تفضى الخانة
    تلقى جنابو سيد الخانة
    فارش دارو لى اسيادو
    بيت كرخانة
    غافل ضبحة الفجرى
    وجرى السلخانة
    يا حميد اقيف
    شوف الخلوق محنانة
    كفكف دمعتك
    والعبرة فوت خنقانة
    عسلك سال بحر
    فوقو النحل ونانة
    ياد ان طاق غرق
    جازاك دباير دانة</div>

  4. #4
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">المدينة الفاضلة الشاعر القدال
    في رثاء مصطفى سيد أحمد
    --------------------

    في هذي المدينة الفاضلة
    لبس الشعراء تيجان غار
    وهجوا مع النشيد .. والبوح
    وغنوا للغربة
    المتلتة في الزمن
    المكان الروح
    وما بين الرماد والنار
    فضا الكلمات ومعناهم
    بيمرقوا من هطيل النوح
    ومغناهم يشقشق للحياة والموت
    يغرد للمدائن
    الفاضلة جواهم جزاير دوح

    -2-
    قدر يوتوبي ترحل
    في مداين الناس ... مدينة
    يندلق حسك حداهم قطرة قطرة
    تعبي صوتك بي نداهم
    مشدود وتر صوتك ربابة
    مسنود عليك صوت الغلابة
    مفرود من الزمن المفتق
    والمرتق بالرتابة
    مولود مع الجدة
    المعتقة والمجرتقة بالرحابة
    ينسدل من شدوه إنشاد المزامير
    ينسمع في شجوه ترتيل الصحابة
    زمن يوتوبي ترحل في العتامير والمغاسل
    والغنى المندلي من شطر السحابة
    من عنا الأطفال وأولاد المسادير
    السنينهم فوق جوازات العصافير
    الحنينهم بحة الليل الطنابير
    الحزينهم 00حزنه في الجوف المطامير
    نبله يطلع زي شعاع
    لا ولولة لا شيل ندابة

    -3-
    يامطر عز الحريق
    كمّل الناقص وفرضو
    يا مشاوير الطريق
    شوفي لي حميد وأرضو
    يا بلد ليلك غريق
    طولو زي طولك .. وعرضو
    إن ضلامك حر طليق
    أو سلامك أهلو قِرضو
    آه من هذا السليق
    يشتري الراجل وعرضو
    الفرج باقيلي ضيق
    والصحاح العندي مرضو
    كم إديريجاً حليق
    شان يعيش بي دقنو برضو
    يا مدد قشة غريق
    يا مشاوير الطريق
    يا وليدات الفريق
    لملموا الصابرين تعالوا
    رقصوا البنوت أعرضوا
    -4-
    يا نخلة المقبول
    ظلالك واصلة
    الشموس بي حريرة
    ومجدولة من طيب
    شمالك مروية
    عز الجزيرة
    من همي همك
    سمالك كسر
    همومي الجبيرة
    لحن الوليد
    الرمالك
    مشرق يجبر كسيرة
    طينك مقالد
    رمالك تحتك مياهك خريرة
    شعرك جريدك
    حلالك نمة غُناه الضريرة
    غنوة بتقرب منالك
    رعشة جروفي الخضيرة
    غنوة حبيباً شكالك
    هجر البنية الأميرة عند
    الترابلة القبالك
    ضليلة صهد الهجيرة
    يا نخلة السلفاب جمالك في
    الناس غناوي المسيرة
    لو جيدك الفارع بكالك
    موّال دموعي العسيرة
    أو نيلك السالك أمالك جيهة
    المشاوير الحسيرة
    أو قبلك المفجوع دنالك
    روح الأناشيد المنيرة
    شيليلي عِب وأمليلي
    شالك من غناويهُ السميرة
    شدي من صوتك حبالك
    نشفي العرق الدميرة
    قولي للجنيات سؤالك يا
    نخلة بس متكية مالك ؟
    بطنة سبايطك عضيرة ؟
    جدلة سبايبك ممالك
    محصورة في فد ضفيرة ؟
    ولا السلام البدالك
    سراب الأماني الكبيرة ؟
    لو صبري بيهدم جبالك شن
    تبقى غير عيني الهميرة؟
    -5-
    قدر يوتوبي
    ترحل يا صديق
    زمن يوتوبي
    ترحل في البريق
    والمدينة الفاضلة
    نامت في العتامة
    والعتامة تهاتي
    بالشعر الهيافة
    والشعر متغطي
    بالكلمة السلامة
    والسلام متداري
    في الولد الشليق
    والوليد مندسّي
    في الحرف القيافة
    والحروف الوردة
    تحلم بالرحيق
    والحلم يتجاوز
    المعنى الرهافة
    والمعاني تعاند
    الزمن الرحيل
    والزمن يوتوبي
    يرحل في السحيق
    والرحيل يوتوبي
    ترحل يا صديق ؟
    الرحيل الشفتو
    للناس العلامة
    الرحيل الشفتو
    للمتلك قيامة


    رجعلك قليبي المهضلم 0000القدال

    رجعلك قليبى المهضلم
    يراجع صنوف الغناوى .. العصيـّة
    جا راجع معاك الكلام
    القبيل إستبان
    الكلام المبهرج مخاوى
    الكلام المزيف
    ولا فيهوغيرإحتلام وإنفصام
    تموت الحروف .. يوم تقوم القصائد
    مقام الطبول والبخور
    بشوفك جرايد شواكر حوامِد
    ولا هامِّى فيها
    عليها المصايب .. تمام التمام
    مغايص بتفرم حشاهـا
    وغباين بتنفُخ بطون
    البسفـّوا التراب
    وحايح لهيب البتلـفح ..
    تلهْـلِبْ .. وتشوى الجلود
    أتف القصايد إذا ما القصايد
    دايرة ليكى البكـا
    البصاحب رِضا السرِّدار
    وأتف القصايد ..
    إذا ما القصايد بتنزل مريدة
    وتسبِّح بحمد الذى إبتلاكى
    وهدانى الودار
    طريتك وأنا الكنت قايل
    خيالك معشعش جوايـا
    سكنتك .. وما لاقى فِجـّة
    أخيرلِكْ أقول البحرِّق حشايا
    أخيرلِكْ أفضفِضْ جراب الخبايا
    أقول الكلام البفكك سوارك
    يوقـِّف جدارك .. ويرفع عضايا
    تضيع الرموز التغطى الكلام
    أقول السكاكر .. أبتنى
    ورمتنى .. وكفانا
    أقول العساكر .. تبارِى الكبارى
    تفتش قلوب الجُهال
    الشلوخهُمْ .. هويّة
    وأغنى الزيود .. والكنانة
    كِضِبْ..
    أقول البنات البفتْحَـنْ صِدورْهِن
    يقالدن رشاشك .. ويخلّنْ حبيبهِنْ
    كِضِبْ
    عريب الجزيرة الببيعو الزيوت
    ما شروك و وفروك وختوك تراب
    عقال الجزيرة المدلدل هدومهم
    قرب ود رباعة المودك بطونهم</div>

  5. #5
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">الطمباره والغناى الشاعر : محمد طه القدال
    ------------------
    ]نحن اهل الفرحه جينا
    لاالمدامع وقفتنا ولاالحكايات الحزينه
    لما درب الرايحه جابنا جابنا في هادى المدينه
    ياولدى الدروب شقاقا بحر التيه
    ليك درب ولا دربين مساك الدروب ضهاب
    ليك قلب ولا بالين وسواى القلوب كضاب
    ليك ضهر ولاسرجين ركاب السروج وقاع
    شق ياولدى بحر التيه بتتدردر وتتودر
    ولامن يوم علي تايتنا ديك ترسي
    نعزك بالقبيل داخرنو ليك
    الشوق بحر ياولدى بحراً تيه
    قت ليك العليك ادرابو لا تنغش ولا ترضابو لاتنغش
    في الزمن الزمين والكي يسوهو خلاف عشان الني
    عليك الدور وتصريف الليالي بدور تشيل ما شلنا من الهم
    ولا من دمعه ترمي الدمعه فوق دربك
    روح يابا .. وابق قفاك لاتعاين ولاتعاين علي موطاك
    ولا تندم علي خطوا تملي مشيتو لى قدام
    وابقي العاتي زى سنطتنا زى صبرا نلوك فوق مرو زى الزاد
    لاشيتاً نزل في الجوف ولابرجع ولا بنزاد
    واركز للبجيبها الريح تقيف انت ويشيلها الريح
    وابقي العاتي والدرب الوراك مسدود و شيل شيلتك
    بقيت للنص لاحلما بجيب البر ولا حدود
    وانبليتا اختا الرمله ما تقع البكان الهش
    هي الممطوره مابتبالي من الرش
    النعمه بتعرف عاطيها والجمره بتحرق واطيها
    بالكيله عطانا و ما لقينا فوق جمر خطانا وما لقينا
    يوم الوعد... ياحليوه فيك الدنيا ما كانت شروق
    الا الارض متكشفه متبلمه نعمنو من خير الخريف
    لافحالها شال منطرحه خضرا وفرحه دوب تتشابي لي عين الشمس
    من بت حليوه النفس بيضا كذا الحليب
    والروح مشحتفه في البلود الفيها ريحتك
    للبعود من فزعة الغربة البساسق فوقا
    موراجع ولا بالحيل قريب
    الروح مشحتفه في الحبيب القلب بكر الدنيا ما شافت جديدو
    ولا الحزن دقالو باب
    وشفتي كيف يوم الوعد كيفنو مترامي الغمام
    والقمري زغرد للبلوم النسمه هبت مرتين
    يا حليوه يوم دقيت بارضك فاس خصيب والتانيه في
    يوم الوعد والايد تسالم في الايدين
    والام تقالد فوق جناها تشمو زين
    وحليوه صاحيه حليوة ضاحيه كذا النسيم
    والدنيا غيم وحليوة جد جد ياولد قول للبلد
    قايل غناوي الحزن ليش شايل مساديرك مجامر دمع ليش
    ليش يا بلد والناس تريد والدنيا كل ما نريد تزيد
    تملا الايدين تفرح تهش
    لو صحيح غنينا بالدمعه الحميمه ولو دموع الفرحه ما لاقت غنانا
    بكره نرجع تاني للكلمه الرحيمه شان هنانا شان منانا
    شان عيون اطفالنا ما تضوق الهزيمه</div>

  6. #6
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">بنيـنة الشعراء
    محمد طه القدال
    ----------------
    مرقن صباحا جيت من عين بروقن
    خايفات مهاوى الصيد خايفين حروقهن
    هن فوقنا متسابحات وعبوننا فوقن
    مرقن من الجايات ختمن مروقن
    جيتك كما الجمرات راجمات علوقن
    من نورى متطابقات حالفات يقوقن
    طيرتين من الجنات منحلى طوقن
    نشدن غناوى الخير طرقن حلوقهن
    من مغرب الغنوات لا عند شروقن
    تابات مع البنوت لا زمات عشوقن
    شبلنو متسابقات متساوى روقن
    شيلن بلا خيلن والعزة طوقن
    نخلن بلا شعرن والنيل عروقن
    ما بردن فاترات يوم حر سوقن
    ما قبلن حارنات خوف البسوقن
    دمرن شعاب الروح فى يوم نشوغن
    بلدن قلوب الناس والحنة شوقن
    هن عرفن الخلقن خابرات خلوقن
    تمن تمام الكيف حسبن فروقن
    ايش البلد حيكون ناقص دلوقن
    غنن بنينة الخير فوق حادى نوقن
    بنن بنن بانينة يا بنينة هى
    نبنى البنا البانينا يا بنينة هى
    باسم الله ابتديت يا ربى يا بارينى
    والصلاة والسلام للحبه بارينى يابنينة هى
    الوطن السماح الحبه بارينى
    قلبى على الولد قلب البلد بارينى يا بنينة هى
    مامنعوك من شمس الله ما منعونى
    والكلمةالحقيقة حقيقة شمس الكون يا بنينة هى
    للغبش السواد غنوة وشفا المكنون
    للظالم سياط تجلد قفا الظربونى يا بنينة هى
    ما منعونى من ريحتك ولا منعوكا
    ما كازوك لو عرفوا العنا وعرفوكا يا بنينة هى
    الغنوة البحجرا عليها بالبازوكا
    دوب سجانها فز وفرهدت فى شروكا يابنينة هى
    ما منعوها من شوفتك اذا منعوها
    تلقاك فى الارض فى امها وفى بوها يا بنينة هى
    شارياك بالنفس ما همها الباعوها
    لا نايحه بتنوح لا أذنت مندوهة يا بنينة
    ما منعوك ما منعوها ما منعونا
    شيل الناس وشم الطين وشوق أمونة يا بنينة هى
    ما شفنا البكيل نقص حوافى الشونة
    ما كبر الصغير بى نفخة البالونة يا بنينة هى
    كيف العاصمة تبقى الشاية للحرية
    والعكاز مضبب والزمن جهدية يا بنينة هى
    نحن عروسنا قولة حق نشيلها هدية
    لى ابو قدوم ونورى حليوة والمكنية يا بنينة هى
    نحن الكلمة شمس القايلة ما بنلوكا
    سن الحق على الظربونى حلق الشوكة
    جنياتا بعرفو الغنوة شدوا سلوكا
    شالوا الحق نهيض نقزى وضرب دلوكة
    نحن بلدنا راسية النيا يراضى حدوبا
    فى الغرب الجبل فى النص جبال النوبة
    فى الشرق التلال عطرون علاج القوبة
    والبركل مع الاماتونج ركايز الحوبة
    نحن بلادنا باولادها البعرفوا الراطنة
    احمد ودقرنق واسحاق اخوك وابوفاطمة
    لو ما كان قبيل حشف القبيلة الجاطنا
    كنا نهضنا لى قدام لحقنا الفاتنا
    نحن غنانا للولد البشوف قدامو
    للبنت البتسند حيلو شادة حزامو
    ونحن غنانا للبلد البراشى غمامو
    نطرى جمايلو حميدو وجميل اياموا
    جيت ناس فلتكان ختونا فى غوغايا
    قالولنا السلام زيت البلد هو الغاية
    (شيشانا) القبيل غنونا بالهوهايا
    ولدولنا السلام ولدة حبل بالداية
    المهدى القبيل ولدا قدل فوق عزة
    و(الشيشان) سكوت لا زول عرض لا هزة
    يا نص العصا اللاكرة فيك لا فزة
    بوش وبلير اخوك ختونا فى قد بزة يا بنينة هى </div>

  7. #7
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">بقول غنوات

    بقول غنوات .. بقول غنوات
    فى البلد البسير جنياتها لقدام ..
    وفى الولد البسل ضرعاتو فى العرضة ويطير فى الدارة صقرية ..
    ولو السمحة تلت إيد و مدت جيد تقوم شايلاه هاشمية
    يشيل شبال ختة ريد .. وفرحة عيد .. و غيمة روح .. وحمرة عين و ايدية
    وفى الولد البشيل مدقاقو قولة خير على القمرة
    يقابل الجاية متحزم ويقابل الجاية متلزم
    سلام فاسك على أرضك يبقى عديلة يا بيضاء
    ويبقى زفاف غنت ليه قمرية
    قبال حول تغيم غيمة قبلية
    ترش الدارة و الحدبة الصعيد الحلة
    يا مرحب حباب الصفقة فى النسمة الصعيدية
    يا هجرة نهار الليل
    لما الليلة بدرية
    فحيح جنياتنا فى الحدبة الصعيد الحلة
    يا قمحاتنا هو لبلب
    يا تمراتنا هو لبلب
    و يا اللوز الفتق فى الوادى هو لبلب
    ويا سمحاتنا يا قمحاتنا هو لبلب ..
    ويا البحر الطمح مدادى هو لبلب
    ويا حجواتنا يا دعواتنا هو لبلب
    سألتك بالذى ركز الأرض معبد وسوى الناس عليها مقام
    سألتك بى حجى الأمات ودعواتنا
    سألتك بى قميراتن و دمعاتنا
    شليل وين راح ..
    يكون خير الخريف فاتنا
    وزى برق السماك الجاية دغشية
    وزى زغرودة للبطن الكبارية
    مرق من شامة القمرة
    ومجرتق بوداعة الله
    ومقدم بالعديل يبراك
    أبشروا تعالوا ياجنيات
    شليل ما راح .. شليل ما فات
    شليل عند المسور مرق بقالو حصاد
    شليل فوق التقانت قام خضار و بلاد
    شليل مشوار.. شليل مسدار
    شليلنا أرضنا يا جنيات
    شليل ما راح .. شليل ما فات
    حرازنا شليل .. شليلنا دليب
    شليلنا دليل على البلدات بعد درب التبلدية
    شليل ما راح .. شليل ما فات
    شليل قايم نصايص الليل يتمتم ليلو وردية
    مزارع بات على عشقين تراب بلدو
    وسماح فوق بت مزارعية
    __________________
    رجعنالك شان مطر المزارع قطّ شح
    وخلا وزين القداير يابا يمرح
    رجعنالك شان غزلانا تسرح وليك تغني وبيك تفرح</div>

  8. #8
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">محمد طه القدال : رجعلك قليبى المهضلم
    رجعلك قليبى المهضلم
    يراجع صنوف الغناوى العصية
    يراجع معاك الكلام القبيل استباك
    الكلام المبهرج وخاوى
    الكلام المزيف
    ولا فيه غير إحتلام وانفصام
    تموت الحروف يوم تقوم القصائد
    مقام الطبول والبخور
    بشوفك جرايد شواكر حوامد
    ولا هامى فيها
    عليها المصائب تمام التمام
    مغايص بتفرم حشاها
    وغبائن بتنفخ بطون البسفو التراب
    وحايح لهيب تلهلب وتكوى الجلود
    اتف القصائد
    إذا مالقصائد دايره ليك البُكا
    البِصاحب..رضا..السردار
    واتف القصائد اذا مالقصائد
    بتنزل مُريده وتسبح بحمد الذى
    ابتلاك وهدانى الودار
    طِريتك وأنا الكنت قايل
    خيالك معشعش جواى
    سكنتك ومالاقى فِجة
    اخيرلك اقول البحرق حشاى
    اخيرلك افضفض جراب الخبايا
    أقول الكلام البفكفك سوارك
    يوقف جدراك ويرفع عضايا
    تضيع الرموز التغنى الكلام
    أقول السكاكر أبتنى ورمتنى وكفانا
    اقول العساكر تبارى الكبارى
    وتفتش قلوب الجهال الشلوخهم هوية
    واغنى الزيود والكنانة
    كضب..
    اقول البنات البفتحن صدورن
    يقالدن رشاشك ويخلن حبيبن
    كضب..
    مراحك يعشى ويفشى
    خضارك مرطب يندى الضهارى
    ترابك...دخن لو رزعتو الحجارة
    بلاك ولاك كروها السحالى
    تسفر سعيتك تقنب تبارى
    الجداد العقالى
    تجوع يا البشدّر خريفك
    سوافى البطانة
    ويمّطر رزازك عزازا حصايا
    وقموحك سنابل مشاط كرفالى
    ابيت الكلام المغتغت وفاضى
    وخمج
    ولادك قصادك شعاع التحايا
    يضوّوا الشقوق التلم الدوابى
    يوروا الدورب للقلوبهم عمايا
    عرقهم حبالك
    وصوتهم مشانق
    تلم الدقون الكبيرة
    وتحدر فقر سمّنتها الليالى الضليمة
    بتهدر حرائق وتحمى البياكلوا المطايب
    وتسجن بطون الجياع العرايا
    وشوشهم سمر حر اباطك
    صفوفهم مرامك وحلمك حملهم
    رغيفة وكرامه وسلامه
    مصانع بتحرق قبل تبدا فيها
    مزارع بتيبس ونيلك ممدد جنازة
    وعقيدك وسيدك بيكتب ويمحى
    وتبق المحايا</div>

  9. #9
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">محمد طه القدال : الطمباره والغناى
    نحن اهل الفرحه جينا
    لاالمدامع وقفتنا ولاالحكايات الحزينه
    لما درب الرايحه جابنا جابنا في هادى المدينه
    ياولدى الدروب شقاقا بحر التيه
    ليك درب ولا دربين مساك الدروب ضهاب
    ليك قلب ولا بالين وسواى القلوب كضاب
    ليك ضهر ولاسرجين ركاب السروج وقاع
    شق ياولدى بحر التيه بتتدردر وتتودر
    ولامن يوم علي تايتنا ديك ترسي
    نعزك بالقبيل داخرنو ليك
    الشوق بحر ياولدى بحراً تيه
    قت ليك العليك ادرابو لا تنغش ولا ترضابو لاتنغش
    في الزمن الزمين والكي يسوهو خلاف عشان الني
    عليك الدور وتصريف الليالي بدور تشيل ما شلنا من الهم
    ولا من دمعه ترمي الدمعه فوق دربك
    روح يابا .. وابق قفاك لاتعاين ولاتعاين علي موطاك
    ولا تندم علي خطوا تملي مشيتو لى قدام
    وابقي العاتي زى سنطتنا زى صبرا نلوك فوق مرو زى الزاد
    لاشيتاً نزل في الجوف ولابرجع ولا بنزاد
    واركز للبجيبها الريح تقيف انت ويشيلها الريح
    وابقي العاتي والدرب الوراك مسدود و شيل شيلتك
    بقيت للنص لاحلما بجيب البر ولا حدود
    وانبليتا اختا الرمله ما تقع البكان الهش
    هي الممطوره مابتبالي من الرش
    النعمه بتعرف عاطيها والجمره بتحرق واطيها
    بالكيله عطانا و ما لقينا فوق جمر خطانا وما لقينا
    يوم الوعد... ياحليوه فيك الدنيا ما كانت شروق
    الا الارض متكشفه متبلمه نعمنو من خير الخريف
    لافحالها شال منطرحه خضرا وفرحه دوب تتشابي لي عين الشمس
    من بت حليوه النفس بيضا كذا الحليب

    والروح مشحتفه في البلود الفيها ريحتك
    للبعود من فزعة الغربة البساسق فوكا
    موراجع ولا بالحيل قريب
    الروح مشحتفه في الحبيب القلب بكر الدنيا ما شافت جديدو
    ولا الحزن دقالو باب
    وشفتي كيف يوم الوعد كيفنو مترامي الغمام
    والقمري زغرد للبلوم النسمه هبت مرتين
    يا حليوه يوم دقيت بارضك فاس خصيب والتانيه في
    يوم الوعد والايد تسالم في الايدين
    والام تقالد فوق جناها تشمو زين
    وحليوه صاحيه حليوة ضاحيه كذا النسيم
    والدنيا غيم وحليوة جد جد ياولد قول للبلد
    قايل غناوي الحزن ليش شايل مساديرك مجامر دمع ليش
    ليش يا بلد والناس تريد والدنيا كل ما نريد تزيد

    تملا الايدين تفرح تهش

    لو صحيح غنينا بالدمعه الحميمه ولو دموع الفرحه ما لاقت غنانا
    بكره نرجع تاني للكلمه الرحيمه شان هنانا شان منانا
    شان عيون اطفالنا ما تضوق الهزيمه</div>

  10. #10
    مشرف الصورة الرمزية الرشيد حمد عبد الصادق
    تاريخ التسجيل
    May 2007
    الدولة
    السعودية- القصيم
    المشاركات
    3,444

    افتراضي

    <div align="center">صابرين : القدال
    صابرين
    صابرين
    ياحزن الغنا
    صابرين
    من بعد الضنا
    صابرين
    على وعد المنى.. صابرين
    برجاك يا وكت الحبيبة
    وبلقاك فى الفرحة القريبة
    وبشراك يا أم السنا
    *****
    لا ليل ولا حزن طايل
    لا صد ولا دمع سايل
    لا هم جاك يا أم نفايل
    والنيل فاض وإنحنى
    نيلين وحلمك أنا
    فرعين شايلين جنا
    **********
    عشرات حبابك
    سلامات..
    يسلم شبابك
    سلامات ..
    شايل سحابك
    سلامات
    والقبلى شابك
    سلامات...
    خيلك سنابك
    سلامات...
    وهواك هنا
    صبـّين
    عاشقين ترابك
    حزنين</div>

  11. #11

    افتراضي

    الغالي الرشيد حمد

    حقيقة طرحت موضوع جميل جميل جدا عن شاعر جميل بس يا اخ الرشيد قصيدة حليوة ياريت كان تكتبها من الاول وانا والله ما بذكرها كويس بس اولها

    يا حليوة

    يازهرة وسمحة ونسمة قمحة

    تعطر ليل دخلتنا

    ولك مني جميل الود
    بتنفسك .. أنا أوكسجين
    وبقدسك ...... اخر ديانات الهوي
    أنا .. والغرام
    بايعنا قلبك ........... مسلمين

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. بنية لي سالم ولد عتمان - القدال
    بواسطة الرشيد حمد عبد الصادق في المنتدى المنتدى الأدبي والثقافي
    مشاركات: 3
    آخر مشاركة: 09-05-2007, 12:03 PM
  2. رائعة الشاعر/محمد المهدي المجذوب ليلة المولد
    بواسطة الرشيد حمد عبد الصادق في المنتدى المنتدى الأدبي والثقافي
    مشاركات: 0
    آخر مشاركة: 08-05-2007, 10:40 AM
  3. المســــــــدار للشاعر محمد طه القدال
    بواسطة الرشيد حمد عبد الصادق في المنتدى المنتدى الأدبي والثقافي
    مشاركات: 5
    آخر مشاركة: 07-15-2007, 10:01 AM
  4. محمد طه القدال : حليوة ليلة لمولد
    بواسطة الرشيد حمد عبد الصادق في المنتدى المنتدى الأدبي والثقافي
    مشاركات: 1
    آخر مشاركة: 07-02-2007, 08:08 AM
  5. محمد الحسن سالم حميد (قصائد)
    بواسطة عزمي المعز في المنتدى المنتدى الأدبي والثقافي
    مشاركات: 15
    آخر مشاركة: 01-24-2007, 02:09 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •